Thursday, September 29, 2016
   
Text Size

cd712onv

Tekkie Beleid

Toelatingsbeleid/Admission 2017

Benodigheidslyste 2016

Tuis

Laerskool Laeveld se Niandi Coetzee ATKV Kampioen!!

Die ATKV se jaarlikse redenaarskompetisie het verlede week op ’n hoogtepunt afgesluit met die Finale Rondes wat te Buffelspoort Rustenburg plaasgevind het. Hierdie is die grootste redenaarskompetisie in die land ter bevordering van Afrikaans. Die ATKV vier vanjaar hul 50ste bestaansjaar.

Niandi, ‘n graad 5 leerder van Laerskool Laeveld, het deelgeneem aan die Gr. 4 tot 5 afdeling. Daar was drie rondes waarin sy deelgeneem het. Eerste ronde was die Streeksdeelname waarin sy deurgedring het om aan die Tweede ronde, die Provinsiale ronde in  Middelburg deel te neem waar sy gewen het en sodoende deurgedring het na die Nasionale Finale ronde.Hier was sy een van 24 deelnemers van regoor Suid-Afrika wat te ATKV Buffelspoort deelgeneem het en met die louere weggestap het!!

Vanjaar is die derde keer dat sy die Nasionale Finale ronde haal, in 2013 het sy 7de geëindig en in 2014 het sy met ‘n 5de plek weggestap.

Die tema van haar toespraak was:”Die pap dik aanmaak.”

Haar onderwerp: Die Lelike Eendjie het nie die pap dik aangemaak nie.

Niandi kry alreeds ‘n geruime tyd afrigting by Me. Frances Conradie van Finesse Dramaskool. Me. Conradie is uiters toegewyd tot haar studente en het selfs die finale ronde bygewoon waar sy nog twee studente in die finale gehad het.

Voorwaar ‘n prestasie om opreg trots te wees! Baie geluk Niandi, Laerskool Laeveld is sommer baie trots op jou!

    IMG 1073 

Laeveld se prinsesse glinster saam met hul pappas...!!!

Ons afgelope Pappa & Prinsesaand was weereens 'n glansryke geleentheid waar elke prinses spesiale tyd saam met haar pappa kon spandeer. Baie dankie aan elke ouer wat hierdie Gr. 7 Fondsinsamelingsprojek ondersteun het. Maats julle het pragtig gelyk!!

DSC 0353 2  DSC 0375 

Laeveld donateurs word bedank tydens Borgefunksie.

Laerskool Laeveld het onlangs tydens 'n Borgefunksie alle donateurs wat by die Eerste Krieketspan sowel as Eerste Hokkiespanne betrokke is, op eg Laeveldse wyse bedank.

Baie dankie weereens aan die volgende maatskappye / individue. Met jul ondersteuning kan ons hoë hoogtes bereik.

Sizabantu Piping: Greg & Diana Loock, Union Motors: Shaun Thies, Colleen Smit, Elvira van der Merwe & Yulandi Jansma. Rooitkat: Johan & Bessie Breytenbach, Seamless Guttering: Celeste Mostert, Lime Time: Linell Schmidt, Crossings Superspar: Christopher Christie, Two Red Pens: Harshill Mitha, LVM Makelaars: Wilna Steinberg, Buscor: Siyanda Nkosi, Discovery: Mnr. Visscher, Slush Puppie: Craig Niven. Harcourts: Boet Nothnagel, Elsabé Bruwer, Niël Coetzee & Tersia Fourie.

DSC 0239  DSC 0274 

Laeveld se twee kore sing dat die "biesies bewe" tydens jaarlikse Eisteddfod.

Baie geluk aan ons Junior- sowel as Senior koor wat beide 81% behaal het tydens hul Eisteddfod optrede. Dit getuig van ure se harde werk en toewyding. Baie dankie aan juffrou Elsabé en haar span vir jul motivering en opoffering. Ons is sommer baie trots op julle.

DSC 0333 3  DSC 0342 

Tannie Dora is 65...!!!! 

Laeveld het onlangs op 'n eg "sixties" wyse tannie Dora se 65ste verjaarsdag gevier en by die geleentheid ook afskeid van haar geneem. Sy was die afgelope 17 jaar aan Laerskool Laeveld verbonde waar sy menigte kinderhart aangeraak het. Ons het haar leer ken as die tannie in die kantoor met 'n vrolike lag en 'n sagte hart vir ons Laeveld maats. Loer gerus op ons FB blad vir nog foto's!

       DSC 0147 4                                  DSC 0111 3 

Facebook

saspac1

Ouers Nuus Brief

Email: