Friday, February 24, 2017
   
Text Size

Tekkie Beleid

Toelatingsbeleid/Admission 2017

Benodigheidslyste 2016

Tuis

Ecoauto Mbombela sorg vir spogtruie!!! 

Baie dankie aan Mnr. Jaco Vorster van Ecoauto Mbombela vir hul borgskap van ons "Tag" rugbytruie vir al die graad 1 en 2 spelers. Dit lyk voorwaar pragtig en die maats is slaggereed vir die komende rugbyseisoen. Ouers ondersteun hierdie maatskappy gerus indien u graag 'n ander voertuig wil aanskaf. Skakel vir Jaco by 082 908 2496 of besoek hul by 1 Plankie straat, Nelspruit. www.ecoauto.co.za

         Jaco 

Windowtec Awnings & Blinds Prestige Atletiekbyeenkoms uit die boonste rakke!!!

Die afgelope naweek het die Windowtec Awnings & Blinds Prestige Atletiekbyeenkoms plaasgevind te Laerskool Laeveld. Dit was 'n byeenkoms van uitstaande gehalte waar menige rekord gespat het tussen topgehalte Laeveldse skole. Baie dankie aan Laerskool Lydenburg, Bergland, Malelane, Clivia, Klipspringer Primary, Curro Nelspruit asook Curro Meridian vir jul deelname. Meer as 500 atlete het hul staal gewys ter voorbereiding van die jaarlikse Interlaer.

Graag bedank ons weereens vir Me. Angie Louw van Windowtec Awnings & Blinds vir hul borgskap van die byeenkoms asook vir Mnr. Hendrik van Vuuren van Mpumalanga Sound Hire vir die klank. Ouers ondersteun gerus hierdie twee maatskappye. Loer gerus op FB vir pragtige foto's.

DSC 0192 1     DSC 0254 2 

Laerskool Laeveld boer vooruit!

Laerskool Laeveld het onlangs hul toppresteerders vir 2016 by ‘n prysuitdelingseremonie met die tema “Laerskool Laeveld boer vooruit!” beloon.

Tydens dié glansgeleentheid is die hoofleiers vir 2017 aangewys.  Hulle is as volg: Luan Steyn as hoofseun en Karien Goosen as hoofdogter. Die onderhoofseuns is Tiaan Bronkhorst (Kultuur) en Nicolaas van Niekerk (Sport). Mieke Louw is die onderhoofdogter Kultuur en Ané Janse van Rensburg onderhoofdogter Sport.            

Saartjie Breytenbach het Die Hoof se Toekenning asook die Voortrekker Kultuurerepenning vir die mees veelsydigste leerling ontvang. Ané Janse van Rensburg is aangewys as Sportdogter van die Jaar terwyl die Sportseun van die Jaar toekenning gedeel is tussen PJ Coetzee en Marco Capazorio.  

Leerders het getoon dat akademie net so belangrik geag word as sport en die Dux leerlinge is as volg:Gr. 4: Stefan Coetzee (92%), Gr. 5: Niandi Coetzee (92,3%), Gr 6: Ané Janse van Rensburg (87,5%) en Gr. 7: PJ Coetzee (91,7%).

(Loer gerus op FB vir pragtige foto's).

    DSC 0511 4        DSC 0512 3

Laerskool Laeveld se Niandi Coetzee ATKV Kampioen!!

Die ATKV se jaarlikse redenaarskompetisie het verlede week op ’n hoogtepunt afgesluit met die Finale Rondes wat te Buffelspoort Rustenburg plaasgevind het. Hierdie is die grootste redenaarskompetisie in die land ter bevordering van Afrikaans. Die ATKV vier vanjaar hul 50ste bestaansjaar.

Niandi, ‘n graad 5 leerder van Laerskool Laeveld, het deelgeneem aan die Gr. 4 tot 5 afdeling. Daar was drie rondes waarin sy deelgeneem het. Eerste ronde was die Streeksdeelname waarin sy deurgedring het om aan die Tweede ronde, die Provinsiale ronde in  Middelburg deel te neem waar sy gewen het en sodoende deurgedring het na die Nasionale Finale ronde.Hier was sy een van 24 deelnemers van regoor Suid-Afrika wat te ATKV Buffelspoort deelgeneem het en met die louere weggestap het!!

Vanjaar is die derde keer dat sy die Nasionale Finale ronde haal, in 2013 het sy 7de geëindig en in 2014 het sy met ‘n 5de plek weggestap.

Die tema van haar toespraak was:”Die pap dik aanmaak.”

Haar onderwerp: Die Lelike Eendjie het nie die pap dik aangemaak nie.

Niandi kry alreeds ‘n geruime tyd afrigting by Me. Frances Conradie van Finesse Dramaskool. Me. Conradie is uiters toegewyd tot haar studente en het selfs die finale ronde bygewoon waar sy nog twee studente in die finale gehad het.

Voorwaar ‘n prestasie om opreg trots te wees! Baie geluk Niandi, Laerskool Laeveld is sommer baie trots op jou!

    IMG 1073 

Laeveld se prinsesse glinster saam met hul pappas...!!!

Ons afgelope Pappa & Prinsesaand was weereens 'n glansryke geleentheid waar elke prinses spesiale tyd saam met haar pappa kon spandeer. Baie dankie aan elke ouer wat hierdie Gr. 7 Fondsinsamelingsprojek ondersteun het. Maats julle het pragtig gelyk!!

DSC 0353 2  DSC 0375 
Facebook

saspac1

Ouers Nuus Brief

Email: